Туманимизда 25 та «Оилавий боғча» ташкил этиш кўзда тутилган бўлса, бугунги кунгача 20 нафар тадбиркор билан боғчалар ташкил этиш бўйича шартнома тузилди. Ҳозирда 16 та маҳаллада “Оилавий боғча”лар ташкил этишга қизғин киришилди. 4 та маҳаллада оилавий боғча ўз фаолиятини бошлади.
“Оқ олтин” маҳалласида тадбиркор Дилрабо Носирова томонидан ташкил этилган “Янги авлод” боғчаси ана шулардан бири.
Боғчада болалар учун барча қулайликлар яратилган. 3 маҳал иссиқ овқат ташкил этилган, ечиниш, ювиниш, ўқув, ўйингоҳ хоналари ва ошхона мавжуд.
Туман тиббиёт бирлашмасига қарашли марказий поликлиника томонидан алоҳида патронаж ҳамшира болажонлар саломатлигини назорат қилиб бормоқда.
М. РУСТАМОВ
Суратда: тарбиячи Дилбарой Юсупова болажонлар билан.
