Ёнғин! Бу ходиса қандайдир бир омил сабабчи бўлмаса, ўз-ўзидан келиб чиқмаслигини, унинг юзага келишига маълум бир сабаб бўлишини ҳамма яхши билади. Фавқулодда вазиятлар ва ёнғинларни олдини олиш борасида олиб борилаётган профилактик тадбирларга карамасдан айрим фукароларимиз томонидан ёнғин хавфсизлиги коидалари амал килмасликлари ёхуд масъулиятсизликлари натижасида ахоли яшаш хонадонларида ёнғинлар содир булмокда.
Мисол учун: Жорий йилнинг октябрь ойи мобайнида туман худудидаги қуйидаги манзилларда ёнғинлар содир бўлган.
13 октябрь куни Бештерак МФЙ Тошйўли кўчасида яшовчи фуқаро З.Қ.нинг хонадонига тортилган электр симларини қисқа туташуви натижасида ёнғин содир бўлиб, ёнғин натижасида яшаш уйининг 25 м2 том 30 та сомон пресси ёниб зарарланган.
16 октябрь куни Янгибўстонобод МФЙ Боғаро кўчасида яшовчи Ў.М.нинг хонадонидаги навес қисмида очиқ оловни назоратсиз қолдириш оқибатида ёнғин келиб чиқиб, 40 м2 том қисми, 200 боғ макка поя ёниб зарарланган.
20 октябрь куни Тўрткўл МФЙ Хўжабоғ кўчасида яшовчи М.П.нинг хонадонида хам навес қисмида очиқ оловни назоратсиз қолдириш оқибатида ёнғин келиб чиқиб, 30 м2 том қисми ёниб зарарланган.
Туман Фавқулодда вазиятлар бўлими томонидан туманда содир бўлаётган ёнғинлар ва уларнинг келиб чиқиш сабаблари тўғрисида тақдим этилаётган ушбу маълумотлардан хабардор бўлиш ва хар бир инсон узи учун хулоса чикариб олиши ҳамда атрофдагиларни ҳам огохлантириши фойдадан холи бўлмайди.
Избоскан тумани Фавқулодда вазиятлар бўлими
бошлиғи ўринбосари капитан У.М.Хакимов