Президентнинг 16.06.2022 йилдаги «Ўзбекистон Республикаси фуқароларига хорижга чиқиш биометрик паспортини беришга доир давлат хизмати кўрсатиш тартибини янада соддалаштириш чора-тадбирлари тўғрисида»ги ПҚ-282-сон қарори қабул қилинди. Ҳужжат билан белгиландики, Ўзбекистон Республикасининг чет давлатдаги консуллик муассасасида консуллик рўйхатида турувчи Ўзбекистон Республикаси фуқароларига хорижга чиқиш биометрик паспортини расмийлаштириш, бериш ва алмаштиришга оид давлат хизматлари Вазирлар Маҳкамасининг 2020 йил 30 январдаги 49-сон қарори билан тасдиқланган низомга асосан амалга оширилади. Давлат хизматини кўрсатиш учун Давлат персоналлаштириш маркази бир ой муддатда биометрик паспортни расмийлаштириш ва бериш тизимини «Электрон ҳукумат» тизимининг идоралараро интеграциялашув платформаси орқали қуйидаги ахборот тизимларига интеграция қилади:
- Адлия вазирлиги билан биргаликда:- «Нотариус» ахборот тизимига — васийлар ва ота-оналарнинг розилигини, ҳамроҳлик қилувчи шахснинг мажбуриятини текшириш учун;
- — «ФҲДЁнинг ягона электрон архиви» ахборот тизимига — никоҳ ва оила аъзолари, вафот этганлик, ёлғиз она ёки ёлғиз ота ҳақидаги маълумотларни олиш учун;
- Ички ишлар вазирлиги билан биргаликда:- «Манзил» ахборот тизимига — ота-онадан бирининг Ўзбекистон Республикаси ҳудудидаги доимий яшаш жойи бўйича рўйхати хорижга доимий яшашга кетганлиги муносабати билан бекор қилинганлигини текшириш учун;
- — «Тезкор маълумотлар» ахборот тизимига — судланганлик, маъмурий назоратда турганлик, шахсга нисбатан озодликдан маҳрум қилиш билан боғлиқ бўлмаган жазо ва шартли ҳукм қўлланилганлик, шахсга нисбатан жиноят иши қўзғатилганлик ҳолатларини текшириш учун;
- Бандлик ва меҳнат муносабатлари вазирлиги билан биргаликда «Ягона миллий меҳнат тизими» ахборот тизимига — охирги беш йилда ишлаган жойи ҳақидаги маълумотларни олиш учун;
- Тиббий-ижтимоий хизматларни ривожлантириш агентлиги билан биргаликда «ТИЭК» ахборот тизимига — I ва II гуруҳ ногиронлиги бўлган шахслар тоифасига аниқлик киритиш учун.Ҳужжат билан айрим қонунчилик ҳужжатларига ўзгартиш ва қўшимчалар киритилган.Ҳужжат Қонун ҳужжатлари маълумотлари миллий базасида эълон қилинган ва 17.06.2022 йилдан кучга кирди.
- М.Мавлонов,
- Избоскан туман Адлия бўлими
- Юридик хизмат кўрсатиш маркази бошлиғи,
- 3-даражали адлия маслаҳатчиси
