ҲУҚУҚИЙ МАВЗУДА УЧРАШУВ
Жиноят ишлари бўйича Избоскан туман суди раиси А.Назирбековнинг иштирокида Избоскан тумани Қораянтоқ МФЙда жойлашган ўқув муассасасида учрашув ўтказилди.
Учрашувда жиноят ишлари бўйича Избоскан туман суди томонидан 2025 йилнинг биринчи чораги давомида амалга оширилган ишлар юзасидан ахборот бериб, унга кўра туман суди томонидан биринчи чорак давомида 92 нафар шахсга нисбатан 70 та жиноят иши кўриб тамомланиб, мазкур кўриб тамомланган жиноят ишларидан 68 нафар шахсга нисбатан жазо тайинлаб ҳукм чиқарилиб, айблов ҳукми чиқарилган шахсларнинг 15 нафарига озодликдан маҳрум қилиш жазоси, 15 нафарига озодликни чеклша жазоси, 4 нафарига мажбурий жамоат ишлари, 19 нафарига ахлоқ тузатиш ишлари жазоси, 15 нафарига жарима жазоси тайинланган.
Жазо тайинланган шахсларнинг 6 нафари суд залидан қамоқдан озод қилинган бўлса, 4 нафари суд залидан қамоққа олинган ҳамда 6 нафар шахсга нисбатан жазо тайинланмасдан ҳукм чиқарилган. Туман суди томонидан 17 нафар шахсга нисбатан юритилган жиноят ишлари тамомланган бўлиб, уларнинг барчаси тарафлар ярашганлиги сабабли жиноят иши тугатилган. Туман суди томонидан 2025 йилнинг биринчи чораги давомида 68 та ёки 88,5 фоиз жиноят ишлари юзасидан хусусий ажримлар чиқарилган бўлса, 23 та иш ёки 32 фоиз жиноят ишлари сайёр суд мажлисларида кўрилган. 2025 йилнинг биринчи чораги давомида жиноят ишлари бўйича Избоскан туман суди томонидан кўриб тамомланган жиноят ишлари бўйича 2.081.679.805 сўмлик ёки 56 та ижро варақалар ижро қилиш учун юборилган бўлиб, шундан мажбурий ижро бюролари томонидан 106.692.312 сўмлик 27 та ёки ижро ҳужжати ижроси таъминланган бўлса, 1.014.987.493 сўмлик 28 та ёки ижро ҳужжати ижро жараёнида қолган.
Маъмурий ҳуқуқбузарликка оид ишлар бўйича жиноят ишлари бўйича Избоскан туман суди томонидан 2025 йилнинг биринчи чораги давомида 567 нафар шахсга нисбатан 509 та маъмурий ҳуқуқбзураликка оид ишлар кўриб тамомланиб, мазкур кўриб тамомланган жиноят ишларидан 306 нафар шахсга нисбатан маъмурий жазо тайинланган бўлса, 261 нафар шахсга нисбатан юритилган иш юритиш тугатилган.
Шунингдек, маъмурий ҳуқуқбузарлик тўғрисидаги ишларнинг 198 таси сайёр судларда кўрилган. 2025 йилнинг биринчи чораги давомида жиноят ишлари бўйича Избоскан туман суди томонидан кўриб тамомланган маъмурий ҳуқуқбузарликка оид ишлар бўйича, 1.056.011.805 сўмлик 416 та ижро варақалар ижро қилиш учун юборилган, 98.829.748 сўмлик 122 та ижро ҳужжати ижроси таъминланган бўлиб, 957.182.057 сўмлик 294 та ижро варақалар ижроси ижро жараёнида қолдиқ бўлиб қолган.
2025 йилнинг биринчи чораги давомида жаъми ОАВ да 13 та ҳуқуқий тарғибот тадбирлари ўтказилган. Шундан, 2 та телевиденияда, 3 та газета, 8 та веб-сайтларда чиқшилар қилинган, 14 та оғзаки ҳуқуқий тарғибот ишлари амалга оширилган.
Учрашув сўнггида йиғилганлар томонидан берилган саволларга туман суди раиси томонидан жавоблар берилди.
О. Исломова