Умумий касаллик оқибатидаги I ва II гуруҳ ногиронлиги бўлган шахсларга пенсия тайинланиши учун қанча стаж талаб этилади?
“Фуқароларнинг давлат пенсия таъминоти тўғрисида”ги Қонуннинг 17-моддасига (https://lex.uz/docs/112314#127103) кўра, умумий касаллик туфайли бериладиган ногиронлик пенсиялари ногиронлик бошланган вақтда қонунчиликда белгиланган (https://lex.uz/docs/112314#127103) иш стажига эга бўлган тақдирда ногиронлик пенсияси тайинланиши белгиланган.
☝️Бироқ, айрим I ва II гуруҳ ногиронлиги бўлган шахсларда пенсияга чиқиш учун етарлича иш стажи етмаслик ҳолатлари кузатилади. Бундай ҳолатларда I ва II гуруҳ ногиронлиги бўлган шахсларга ногиронлик пенсияси бор стажга мутаносиб равишда қуйидаги тартибда тайинланади.
Яъни: I гуруҳ ногиронлиги бўлган шахсларга ногиронлик пенсиялари учун — ёшга доир энг кам пенсиянинг 100 фоизидан; II гуруҳ ногиронлиги бўлган шахсларга ногиронлик пенсиялари учун — ёшга доир энг кам пенсиянинг 75 фоизидан кам бўлмаслиги лозим.
Исломжон Эгамбердиев,
Иктисодиёт ва Молия вазирлиги ҳузуридаги Бюджетдан ташкари Пенсия жамғармаси
Улугнор туман бўлими Фуқароларга хизмат кўрсатиш шўъбаси етакчи мутахассиси
