8 Март—Халқаро хотин-қизлар куни байрамига бағишланган тантанага туманимиз ташкилот ва муассасалари, фермер хўжаликлари раҳбарлари турмуш ўртоқлари, мўътабар онахонлар, фаол аёллар таклиф этилди. Тўкин дастурхон ёзилган тантанада туман ҳокими Серобидин Исмоилов тантана қатнашчиларини байрам билан табриклади.
Аёлнинг нафосати ва назокати, вафо ва садоқати, ақл-заковати ва фидойилиги асрлар давомида куйлаб келинган. Ер юзида ҳаёт давомийлиги ва абадийлиги аёлларимизга мустаҳкам боғлиқ эканлигини ҳеч ким инкор этолмайди. Она бўлишдек бахтга сазовор бўлган, ақл-заковати ва фидойилиги барча ижодкорларга илҳом бағишлаган. Бир сўз билан айтганда дунёдаги энг буюк санъат асарлари, қўшиқ ва достонлар, меъморий обидалар аёлларга бағишлангандир.
Оила ва жамиятимиз устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш авлод-аждодларимиздан буюк қадрият бўлиб келган ва бу удумни ҳеч ким бузолмайди. Зеро хотин-қизларимиз ҳаётимиз гўзал ва мазмунли, хонадонларимиз обод ва нурафшондир.
Тадбирга Ўзбекистонда хизмат кўрсатган артист Н. Мўминов, «Ниҳол» мукофоти лауреатлари Г. Абдуллаева, А, Исмоилова ва қизиқчилар О. Султонов, И. Ҳамроқуловларнинг чиқишлари файз бағишлади.
Байрам тантанасида куй ва қўшиқлар янгради. Шу куни мустақиллигимиз, бугунги обод ва озод кунларга шукроналар келтирилди. Бошланган қувонч онлари барча хонадонларда давом этди.
