Нажмите "Enter" для пропуска содержимого

Яна иккита давлат хизматлари янги усулда кўрсатилади

Ҳукуматнинг 2022 йил 8 июн кунги 317-сон қарорига кўра Болаларни уларнинг соғлиғига зарар етказувчи ахборотдан ҳимоя қилиш соҳасидаги мутахассисларни аккредитация қилиш ҳамда Давлат органлари ва ташкилотлари ахборот хизмати раҳбарини аттестациядан ўтказиш бўйича давлат хизматларини кўрсатиш регламенти тасдиқланди.

  1. Болаларни уларнинг соғлиғига зарар этказувчи ахборотдан ҳимоя қилиш соҳасидаги мутахассисларни аккредитация қилиш
  2. Ушбу хизматни олиш учун сиз бевосита ДХМ билан ёки ЯИДХП орқали боғланишингиз керак. Ариза берувчи болалар психиатрияси, педагогика, ёш психологияси ва физиологияси йўналишлари бўйича (диплом ёки сертификат) олий маълумотга эга бўлиши ва анкетани тўлдириши шарт. Ариза 7 иш куни ичида кўриб чиқилади. Ижобий қарор қабул қилинган тақдирда, ариза берувчи 1 кун ичида аккредитация олади. Мутахассис аккредитацияси гувоҳномаси 5 йил муддатга берилади.
  3. Давлат органлари ва ташкилотлари ахборот хизматлари раҳбарларини аттестациядан ўтказиш.

Хизматни олиш учун сиз бевосита ДХМ билан ёки ЯИДХП орқали боғланишингиз керак. Ариза берувчи анкетани тўлдиради, у 15 иш куни ичида кўриб чиқилади. Шундан сўнг, талабнома берувчини сертификатлаштиришга қабул қилиш тўғрисида қарор қабул қилинади. Ваколатли орган абитуриентларни аттестациядан ўтказишни аттестация гуруҳининг тузилишига қараб белгиланади (5-10 саволдан иборат оғзаки суҳбат). Аттестацияда иштирок этишдан четлаштирилган абитуриент 6 ой ичида кейинги аттестацияга киритилмайди. Давлат органлари ва ташкилотлари ахборот хизматлари раҳбарлари ҳар 3 йилда бир марта аттестациядан ўтиши шарт.

У.Эрматов, Улуғнор туман адлия бўлими давлат хизматлари маркази бошлиғи.                      

Улашинг: