ДИҚҚАТ! КУЗ ВА ҚИШ МАВСУМИГА ТАЙЁРМИСИЗ?
АҲОЛИ ХОНАДОНЛАРИНИ КУЗ-ҚИШ МАВСУМИГА ТАЙЁРЛАШ ВА ТАБИИЙ ГАЗДАН ОҚИЛОНА ФОЙДАЛАНИШ — ХАВФСИЗЛИК ГАРОВИ
Куз-қиш мавсумида аҳоли хонадонларини иссиқлик билан таъминлаш, табиий газдан оқилона ва тежамкорлик билан фойдаланиш ҳамда газ ускуналаридан хавфсиз фойдаланишни таъминлаш муҳим вазифалардан бири ҳисобланади. Шу муносабат билан туманимизда аҳоли хонадонларини куз-қиш мавсумига пухта тайёрлаш, мавжуд муаммоларни бартараф этиш ва фуқаролар ўртасида хавфсизлик қоидаларига риоя қилиш маданиятини оширишга алоҳида эътибор қаратиш лозим. Туманимиз газчилари, техник ходимлар ва мутахассислар қишли-қировли кунларда табиий газнинг ҳар бир хонадонга узлуксиз етиб бориши таъминлаш 
мақсадида кенг кўламдаги таъмирлаш ишларини олиб бордилар ва олиб бормоқдалар. Албатта биз-истеъмолчилар уларнинг меҳнатларининг қадрига етайлик. Ускуналарнинг узоқ ишлашини таъминлаш чораларини кўрайлик. Табиий ва суюлтирилган газдан фой-даланиш қоидаларига қатъий амал қилайлик. Ёш болаларнинг газ билан ўйнашларига асло йўл қўймайлик.
Огоҳлик ҳар биримиздан жиддий ёндашишини талаб қилишини унутмайлик.
Хонадонларни қишга тайёрлаш — муҳим вазифа
Совуқ кунлар бошланишидан олдин ҳар бир хонадонда газ ускуналари,
иситиш қозонлари, сув иситгичлар ва бошқа газ жиҳозларининг техник ҳолатини текшириш зарур. Мўрилар ва тутун чиқариш йўлларининг тозалиги, шамоллатиш тизимларининг созлигига алоҳида эътибор бериш керак. Аниқланган носозликлар фақат малакали мутахассислар томонидан бартараф этилиши лозим.
Шунингдек, эшик ва деразалардан совуқ ҳаво киришининг олдини олиш, хонадонларнинг иссиқлик сақлаш хусусиятини яхшилаш ҳамда иситиш тизимларидан самарали фойдаланиш орқали табиий газ сарфини камайтириш мумкин.
Табиий газдан оқилона фойдаланайлик!
Табиий газ — муҳим энергетик ресурс. Ундан тежамкорлик билан фойдаланиш нафақатоилавий харажатларни камайтиради, балки энергия ресурсларини асрашга ҳам хизмат қилади.
Бунинг учун:
— Газ жиҳозларини фақат зарурат бўлганда ишлатиш ва уларни назоратсиз қолдирмаслик;
— Овқат пишириш жараёнида газ сарфини меъёрда сақлаш;
— Иситиш учун мўлжалланмаган газ плиталаридан фойдаланмаслик;
— Газ ускуналарини ўзбошимчалик билан таъмирламаслик ва уларнинг тузилишига ўзгартириш киритмаслик;
— Газ ҳисоблагичи ва қувурларига ноқонуний аралашмаслик;
— Газ сизиб чиқишига шубҳа туғилганда дарҳол хавфсизлик чораларини кўриш зарур.
Газ хавфсизлиги — ҳаёт хавфсизлиги
Табиий газдан нотўғри фойдаланиш ёнғин, портлаш ва ис газидан заҳарланиш каби оғир оқибатларга олиб келиши мумкин. Шу боис ҳар бир фуқаро хавфсизлик қоидаларини билиши ва уларга қатъий амал қилиши шарт.
Газ ҳиди сезилганда электр чироқларини ёқиш ёки ўчириш, очиқ оловдан фойдаланиш, электр жиҳозларини ишга тушириш мумкин эмас. Имкон бўлса, хавфсиз тарзда газ кранини ёпиш, эшик ва деразаларни очиб хонани шамоллатиш, бинодан ташқарига чиқиш ва хавфсиз жойдан 104 рақами орқали газ авария хизматига хабар бериш лозим. Хавфли ҳудудда қолмаслик ва мутахассислар кўрсатмаларига амал қилиш керак.
Ис гази рангсиз ва ҳидсиз бўлгани сабабли уни сезиш қийин. Шунинг учун газ ускуналари ишлаётган хонада етарли ҳаво алмашинуви бўлиши, мўрилар ва тутун чиқариш йўллари соз сақланиши шарт. Газ жиҳозларини ёқиб, ухлаб қолиш ёки хонадонни назоратсиз қолдириш қатъиян тавсия этилмайди.Ҳар бир хонадонда масъулият бўлиши шарт. Куз-қиш мавсумини беталафот ўтказиш барчамизнинг умумий вазифамиздир. Ҳар бир оила газ ускуналарининг техник ҳолатига бефарқ бўлмаслиги, болаларни газ жиҳозларидан узоқ тутиши ва уларга хавфсизлик қоидаларини тушунтириши зарур.
Ҳурматли туман аҳолиси! Азиз юртдошлар!
Хонадонларимизни қиш мавсумига ўз вақтида тайёрлайлик, табиий газдан оқилона ва тежамкорлик билан фойдаланайлик, хавфсизлик талабларига қатъий риоя қилайлик. Зеро, оддий эҳтиёт чоралари инсон ҳаётини асраш, оила осойишталигини таъминлаш ва қиш мавсумини хотиржам ўтказишга хизмат қилади. Табиий газни тежаш — фаровонликка ҳисса, хавфсизликка риоя қилиш эса ҳаётни асрашдир!
Ҳурматли аҳоли ва истеъмолчилар!
Куз-қиш мавсумида табиий газ босими пасайиб кетиши эҳтимолини ҳисобга олиб, заҳира ёқилғини олдиндан тайёрлаб қўйишни унутманг!
Ҳар бир аҳоли ўз хонадонида заҳира кўмир ва ўтинларни тайёрлаб қўйса , мўриконларни ўз вақтида кўрикдан ўтказса, созлигига ишонч ҳосил қилса мавсумнинг соз ўтишига муносиб ҳиссасини қўшган бўлади.
Ташкилот ва корхоналар мутасаддилари ҳам муқобил заҳира ёқилғиларини ўз вақтида тайёрлашлари зарур.
Албатта бу борада ёнғин хавфсизлиги қоидаларига қатъий амал қилиш лозим.
Бугунги жиддий тайёргарлик-эртанги хотиржамликдир.
DIQQAT! KUZ VA QISH MAVSUMIGA TAYYORMISIZ?
AHOLI XONADONLARINI KUZ-QISH MAVSUMIGA TAYYORLASH VA TABIIY GAZDAN OQILONA FOYDALANISH — XAVFSIZLIK GAROVI
Kuz-qish mavsumida aholi xonadonlarini issiqlik bilan taʼminlash, tabiiy gazdan oqilona va tejamkorlik bilan foydalanish hamda gaz uskunalaridan xavfsiz foydalanishni taʼminlash muhim vazifalardan biri hisoblanadi. Shu munosabat bilan tumanimizda aholi xonadonlarini kuz-qish mavsumiga puxta tayyorlash, mavjud muammolarni bartaraf etish va fuqarolar o‘rtasida xavfsizlik qoidalariga rioya qilish madaniyatini oshirishga alohida eʼtibor qaratish lozim. Tumanimiz gazchilari, texnik xodimlar va mutaxassislar ыishli-ыirovli kunlarda tabiiy gazning har bir xonadonga uzluksiz yetib borishi taʼminlash maqsadida keng ko‘lamdagi taʼmirlash ishlarini olib bordilar va olib bormoqdalar. 
Albatta biz-isteʼmolchilar ularning mehnatlarining qadriga yetaylik. Uskunalarning uzoq ishlashini taʼminlash choralarini ko‘raylik. Tabiiy va suyultirilgan gazdan foy-dalanish qoidalariga qatʼiy amal qilaylik. Yosh bolalarning gaz bilan o‘ynashlariga aslo yo‘l qo‘ymaylik. Ogohlik har birimizdan jiddiy yondashishini talab qilishini unutmaylik.
Xonadonlarni qishga tayyorlash — muhim vazifa
Sovuq kunlar boshlanishidan oldin har bir xonadonda gaz uskunalari,
isitish qozonlari, suv isitgichlar va boshqa gaz jihozlarining texnik holatini tekshirish zarur. 
Mo‘rilar va tutun chiqarish yo‘llarining tozaligi, shamollatish tizimlarining sozligiga alohida eʼtibor berish kerak. Aniqlangan nosozliklar faqat malakali mutaxassislar tomonidan bartaraf etilishi lozim.
Shuningdek, eshik va derazalardan sovuq havo kirishining oldini olish, xonadonlarning issiqlik saqlash xususiyatini yaxshilash hamda isitish tizimlaridan samarali foydalanish orqali tabiiy gaz sarfini kamaytirish mumkin.
Tabiiy gazdan oqilona foydalanaylik!
Tabiiy gaz — muhim energetik resurs. Undan tejamkorlik bilan foydalanish nafaqatoilaviy xarajatlarni kamaytiradi, balki energiya resurslarini asrashga ham xizmat qiladi.
Buning uchun:
— Gaz jihozlarini faqat zarurat bo‘lganda ishlatish va ularni nazoratsiz qoldirmaslik;
— Ovqat pishirish jarayonida gaz sarfini meʼyorda saqlash;
— Isitish uchun mo‘ljallanmagan gaz plitalaridan foydalanmaslik;
— Gaz uskunalarini o‘zboshimchalik bilan taʼmirlamaslik va ularning tuzilishiga o‘zgartirish kiritmaslik;
— Gaz hisoblagichi va quvurlariga noqonuniy aralashmaslik;
— Gaz sizib chiqishiga shubha tug‘ilganda darhol xavfsizlik choralarini ko‘rish zarur.
Gaz xavfsizligi — hayot xavfsizligi
Tabiiy gazdan noto‘g‘ri foydalanish yong‘in, portlash va is gazidan zaharlanish kabi og‘ir oqibatlarga olib kelishi mumkin. Shu bois har bir fuqaro xavfsizlik qoidalarini bilishi va ularga qatʼiy amal qilishi shart.
Gaz hidi sezilganda elektr chiroqlarini yoqish yoki o‘chirish, ochiq olovdan foydalanish, elektr jihozlarini ishga tushirish mumkin emas. Imkon bo‘lsa, xavfsiz tarzda gaz kranini yopish, eshik va derazalarni ochib xonani shamollatish, binodan tashqariga chiqish va xavfsiz joydan 104 raqami orqali gaz avariya xizmatiga xabar berish lozim. Xavfli hududda qolmaslik va mutaxassislar ko‘rsatmalariga amal qilish kerak.
Is gazi rangsiz va hidsiz bo‘lgani sababli uni sezish qiyin. Shuning uchun gaz uskunalari ishlayotgan xonada yetarli havo almashinuvi bo‘lishi, mo‘rilar va tutun chiqarish yo‘llari soz saqlanishi shart. Gaz jihozlarini yoqib, uxlab qolish yoki xonadonni nazoratsiz qoldirish qatʼiyan tavsiya etilmaydi.Har bir xonadonda masʼuliyat bo‘lishi shart. Kuz-qish mavsumini betalafot o‘tkazish barchamizning umumiy vazifamizdir. Har bir oila gaz uskunalarining texnik holatiga befarq bo‘lmasligi, bolalarni gaz jihozlaridan uzoq tutishi va ularga xavfsizlik qoidalarini tushuntirishi zarur.Hurmatli tuman aholisi! Aziz yurtdoshlar!
Xonadonlarimizni qish mavsumiga o‘z vaqtida tayyorlaylik, tabiiy gazdan oqilona va tejamkorlik bilan foydalanaylik, xavfsizlik talablariga qatʼiy rioya qilaylik. Zero, oddiy ehtiyot choralari inson hayotini asrash, oila osoyishtaligini taʼminlash va qish mavsumini xotirjam o‘tkazishga xizmat qiladi. Tabiiy gazni tejash — farovonlikka hissa, xavfsizlikka rioya qilish esa hayotni asrashdir!
Hurmatli aholi va isteʼmolchilar!
Kuz-qish mavsumida tabiiy gaz bosimi pasayib ketishi ehtimolini hisobga olib, zahira yoqilg‘ini oldindan tayyorlab qo‘yishni unutmang!
Har bir aholi o‘z xonadonida zahira ko‘mir va o‘tinlarni tayyorlab qo‘ysa , mo‘rikonlarni o‘z vaqtida ko‘rikdan o‘tkazsa, sozligiga ishonch hosil qilsa mavsumning soz o‘tishiga munosib hissasini qo‘shgan bo‘ladi.
Tashkilot va korxonalar mutasaddilari ham muqobil zahira yoqilg‘ilarini o‘z vaqtida tayyorlashlari zarur.
Albatta bu borada yong‘in xavfsizligi qoidalariga qatʼiy amal qilish lozim.
Bugungi jiddiy tayyorgarlik-ertangi xotirjamlikdir.
«Ҳудудгаз» Андижон газ таъминоти филиали «Избоскан тумангаз» газ таъминоти бўлими
