Халқ ва армия – бир тану бир жондир
Буюк ва қудратли, мустақил Ватанимизда бу кунни барчамиз интиқлик билан кутамиз ва кенг тантана қиламиз. Қувончларимизни бир бирларимизга илинамиз. Бу кўпмиллатли бутун халқимиз, мамлакатимиз ҳаётидаги муҳим сана – Ўзбекистон Қуролли Кучлари ташкил этилган ҳамда Ватан ҳимоячилари кунидир. Бу йил Ўзбекистон Қуролли Кучлари ташкил этилганининг 32 йиллиги ва Ватан ҳимоячилари куни кенг нишонланмоқда.
Барча жойларда бўлгани каби Избоскан туманида ҳам бу қутлуғ кун ўзига хос тарзда байрам қилинмоқда. Избоскан туман ҳокими Э.Каримов, туман прокурори Б.Каримов, ИИБ бошлиғи Ғ.Алимовлар Избоскан тумани Лўғумбек қишлоғида жойлашган Ўзбекистон Республикаси ДХХ чегара қўшинлари ҳарбий қисмидагиларни байрам билан табриклаб, эсдалик совғаларини тақдим этдилар.
Шунингдек мустақиллигимиз ва Ватан сарҳадлари учун душманларга қарши курашда жон фидо қилган фидоий жангчиларнинг оилаларидан ҳам хабар олинди.