Bugungi kunda mamlakatimizda ayollar huquqini himoya qilish, ularga keng imtiyozlar yaratib berish eng dolzarb va ustuvor sohalardan biriga aylangan desak, adashmagan bo‘lamiz. Birgina “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘zbekiston Respublikasi qonunining qabul qilinishi ham bu sohaga bo‘lgan e’tiborning yanada kuchayganidan dalolat beradi. Mazkur qonunda xotin-qizlar va erkaklar uchun teng huquq hamda imkoniyatlar kafolatlarini ta’minlashning asosiy prinsiplari, jins bo‘yicha kamsitishga yo‘l qo‘ymaslik, xotin-qizlar va erkaklar uchun teng huquq hamda imkoniyatlarni ta’minlash kafolatlari, jins bo‘yicha bevosita yoki bilvosita kamsitish faktlari ustidan shikoyat qilish huquqining mavjudligi hamda xotinqizlar va erkaklar uchun teng huquq hamda imkoniyatlar kafolatlari to‘g‘risidagi qonunchilikni buzganlik uchun javobgarlik masalalari yoritib berilgan.
So‘nggi yillarda amalga oshirilgan keng qamrovli islohotlar natijasida O‘zbekiston Respublikasida jamiyat hayoti va faoliyatining barcha sohalarida xotin-qizlar hamda erkaklar uchun teng huquq va imkoniyatlarni ta’minlash, xotinqizlarni tazyiq va zo‘ravonliklardan himoya qilish masalalari bo‘yicha mustahkam huquqiy asoslar yaratildi. Bugungi kunga kelib, davlat va jamoat tashkilotlarida, umuman barcha sohalarda ayollarning salmog‘i ortib borayotganligini kuzatishimiz mumkin.
Xususan, Davlat va jamoat tashkilotlari tizimida 1 300 nafardan ortiq, shu jumladan vazirlik va idoralarda 45 nafar, O‘zbekiston Respublikasi Prezidenti Administratsiyasi hamda Vazirlar Mahkamasida 39 nafar, mahalliy davlat hokimiyati organlarida 207 nafar ayol rahbarlik lavozimlarida faoliyat yuritmoqda.O‘zbekiston Respublikasi Oliy Majlisi palatalari, Qoraqalpog‘iston Respublikasi Jo‘qorg‘i Kengesi va xalq deputatlari mahalliy Kengashlariga 2019-yilda bo‘lib o‘tgan saylovlarda ro‘yxatdan o‘tgan 21 435 000 nafar saylovchining qariyb 50 foizi yoki 10 825 641 nafari xotin-qizlardir.Ushbu saylovlarda ko‘rsatilgan nomzodlarning 41 foizi xotin-qizlar bo‘lib, ularning soni O‘zbekiston Respublikasi Saylov kodeksida belgilangan 30 foizlik kvotadan ortdi.
O‘zbekiston Respublikasi Oliy Majlisi Qonunchilik palatasi deputatlarining 32 foizi, Senati a’zolarining hamda Qoraqalpog‘iston Respublikasi Jo‘qorg‘i Kengesi, mahalliy Kengashlar deputatlarining qariyb 25 foizini xotin-qizlar tashkil etadi. Shuningdek, O‘zbekiston “Milliy tiklanish” demokratik partiyasi va O‘zbekiston Xalq demokratik partiyasi a’zolarining 49 foizini, O‘zbekiston “Adolat” sotsial-demokratik partiyasi a’zolarining 46 foizini, O‘zbekiston Liberaldemokratik partiyasi va O‘zbekiston Ekologik partiya a’zolarining 41 foizini xotinqizlar tashkil qiladi. Tijorat banklari mikrokredit bazasi mijozlarining 30 foizidan ortig‘ini xotinqizlar tashkil etmoqda. Tijorat banklari mablag‘lari hisobidan 172 mingdan ortiq xotin-qizlarga 4,9 trillion so‘m miqdorida kreditlar ajratildi. Buning natijasida tadbirkorlik faoliyatini yo‘lga qo‘ygan xotin -qizlar soni bir yilda 45 ming nafarga ko‘paydi. Tadbirkorlik subyektlarining 20 foiziga, shu jumladan fermer xo‘jaliklarining 7,3 foiziga ayollar rahbarlik qiladi . Shuningdek, ayollarga keng imkoniyatlar yaratib berish yuzasidan qonunchiligimizda ham alohida normalar kiritilganligi ham quvonarli, albatta.
Oilaviy munosabatlarda ayollarga berilgan imztiyozlar haqida suyida tanishishimiz mumkin:
O‘zbekiston Respublikasi Oila kodeksida ham erkaklar va ayollarning huquqlari, oilaviy munosabatlar teng huquqlilik prinsipiga asoslanishini hamda ayollarning oilaviy munosabatlardagi imtiyozlari haqida alohida normalar keltirilgan. Xususan, ona va bola manfaatlarini muhofaza qilish ayollarning mehnati va sog‘lig‘ini saqlashga doir maxsus tadbirlar ko‘rish, mehnatni onalik bilan bog‘lab qo‘shib olib borish uchun ayollarga sharoit yaratish, onalik va bolalikni huquqiy himoya qilish, moddiy va ma’naviy jihatdan qo‘llab-quvvatlash
yo‘li bilan ta’minlanishi belgilangan. Shuningdek, Oila kodeksiga ko‘ra, Nikoh tuzish vaqtida er va xotin o‘z xohishi bilan eri yoki xotinining familiyasini umumiy familiya qilib tanlaydi yoki ularning har biri nikohgacha bo‘lgan o‘z familiyasini saqlab qoladi. Bundan tashqari Oila kodeksiga ko‘ra, quyidagi huquqlar alohida belgilangan:
O‘zbekiston Respublikasida onalik davlat himoyasidadir;
sobiq xotin homiladorlik davrida va o‘rtada bola tug‘ilgan kundan boshlab
uch yil davomida sud tartibida aliment talab qilish huquqiga egadi;
Bolalar tarbiyasi va oilaviy turmushning boshqa masalalarini er va xotin
birgalikda hal qiladilar;
Er va xotinning har biri mashg‘ulot turi, kasb va turish hamda yashash joyini
tanlashda erklidir;
Er va xotin ularning birgalikdagi umumiy mulki bo‘lgan mol-mulkka egalik
qilish, undan foydalanish va uni tasarruf etishda teng huquqlarga egadir;
Er va xotinning nikohga qadar o‘ziga tegishli bo‘lgan mol-mulki,
shuningdek ulardan har birining nikoh davomida hadya, meros tariqasida yoki
boshqa bepul bitimlar asosida olgan mol-mulki ulardan har birining o‘z mulki
hisoblanadi;
immatbaho buyumlar va zebu-ziynatlardan boshqa shaxsiy foydalanishdagi
buyumlar (kiyim-bosh, poyabzal va boshqa shu kabilar), garchi nikoh davomida er
va xotinning umumiy mablag‘i hisobiga olingan bo‘lsa ham, ulardan foydalanib
kelgan er va xotinning xususiy mulki hisoblanadi;
Xotinining homiladorlik vaqtida va bola tug‘ilganidan keyin bir yil
mobaynida er xotinining roziligisiz nikohdan ajratish to‘g‘risida ish qo‘zg‘atishga
haqli emas;
Yuqorida keltirilgan Oila kodeksi normalaridan ham ko‘rinib turibdiki, oilaviy munosabatlarda er va xotin teng huquqli hisoblanadi hamda ayollarga oilaviy munosabatlarda bir qator imtiyozlar ham berilgan.
Mehnat munosabatlarida ayollarga berilgan imtiyozlar
O‘zbekiston Respublikasi Mehnat kodeksida ishlayotgan ayollarga nisbatan bir qator huquqlar va imtiyozlar berilgan bo‘lib, bularning barcha ayollarning ishchanlik qobiliyati, belgilangan toifadagi ishlarga yaroqliligi holatlaridan kelib chiqib, ijtimoiy adolat prinsplari doirasida qo‘llanilgan. Xususan, Mehnat kodeksida Xomilador ayollar uchun bir qator imtiyozli normalar keltirilgan bo‘lib, ular quyidagilardan iborat:
Barcha fuqarolar mehnat huquqlariga ega bo‘lish va ulardan foydalanishda teng imkoniyatlarga egadir. Jinsi, yoshi, irqi, millati, tili, ijtimoiy kelib chiqishi, mulkiy holati va mansab mavqeyi, dinga bo‘lgan munosabati, e’tiqodi, jamoat birlashmalariga mansubligi, shuningdek xodimlarning ishchanlik qobiliyatlariga va ular mehnatining natijalariga aloqador bo‘lmagan boshqa jihatlariga qarab mehnatga oid munosabatlar sohasida har qanday cheklashlarga yoki imtiyozlar belgilashga yo‘l qo‘yilmaydi va bular kamsitish deb hisoblanadi;
Homilador ayollar, uch yoshga to‘lmagan bolasi bor ayollar ishga qabul qilinganda dastlabki sinov belgilanmaydi;
homilador ayollarni va ikki yoshga to‘lmagan bolasi bor ayollarni vaqtincha boshqa ishga o‘tkazish haqida buyruq chiqarish uchun esa, — ularning arizasi va tibbiy xulosa asos bo‘ladi;
Homiladorligi yoki bolasi borligi sababli ayollarni ishga qabul qilishni rad etish va ularning ish haqini kamaytirish taqiqlanadi. Homilador ayolni yoki uch yoshga to‘lmagan bolasi bor ayolni ishga qabul qilish rad etilgan taqdirda ish beruvchi rad etishning sabablarini ularga yozma ravishda ma’lum qilishi shart.
Mazkur shaxslarni ishga qabul qilishni rad etganlik ustidan sudga shikoyat qilinishi mumkin;
Tibbiy xulosaga muvofiq homilador ayollarning ishlab chiqarish normalari,
xizmat ko‘rsatish normalari kamaytiriladi yoki ular avvalgi ishlaridagi o‘rtacha oylik ish haqi saqlangan holda yengilroq yoxud noqulay ishlab chiqarish omillarining ta’siridan xoli bo‘lgan ishga o‘tkaziladi;
Homilador ayolga yengilroq yoki noqulay ishlab chiqarish omillari ta’siridan xoli bo‘lgan ish berish masalasi hal etilgunga qadar, u ana shu sababdan ishga chiqmagan barcha ish kunlari uchun o‘rtacha oylik ish haqi saqlangan h olda ishdan ozod etilishi lozim;
Homilador ayollar va uch yoshga to‘lmagan bolasi bor ayollar bilan tuzilgan mehnat shartnomasini ish beruvchining tashabbusi bilan bekor qilishga yo‘l qo‘yilmaydi, korxonaning butunlay tugatilish hollari bundan mustasno, bunday hollarda mehnat shartnomasi ularni albatta ishga joylashtirish sharti bilan bekor
qilinadi;
ayollarga — homiladorlik va tug‘ish ta’tili oldidan yoki undan keyin ularning xohishi bo‘yicha olti oy o‘tmasdan oldin beriladi.
O‘zbekiston Respublikasi Mehnat kodeksida ikki yoshga to‘lmagan bolasi bor ayollarga ham bir qator huquqlar va imtiyozlar berilgan:
Ikki yoshga to‘lmagan bolasi bor ayollarga, dam olish va ovqatlanish uchun beriladigan tanaffusdan tashqari, bolani ovqatlantirish uchun qo‘shimcha tanaffuslar ham beriladi. Bu tanaffuslar kamida har uch soatda bir marta har biri o‘ttiz minutdan kam bo‘lmagan muddat bilan beriladi. Ikki yoshga to‘lmagan ikki va undan ortiq bolasi bo‘lgan taqdirda, tanaffusning muddati kamida bir soat qilib belgilanadi.
Homiladorlik va tug‘ish ta’tili tugaganidan keyin ayolning xohishiga ko‘ra, unga bolasi ikki yoshga to‘lgunga qadar bolani parvarishlash uchun ta’til berilib, bu davrda qonunchilikda belgilangan tartibda nafaqa to‘lanadi.
O‘zbekiston Respublikasi Mehnat kodeksida uch yoshga to‘lmagan bolasi bor ayollarga ham bir qator huquqlar va imtiyozlar berilgan:
homilador ayollarni va uch yoshga to‘lmagan bolasi bor ayollarni tungi ishlarga jalb qilishga bunday ish ona va bolaning sog‘lig‘i uchun xavf tug‘dirmasligini tasdiqlovchi tibbiy xulosa bo‘lgan taqdirdagina yo‘l q o‘yiladi.
Uch yoshga to‘lmagan bolalari bor, budjet hisobidan moliyaviy jihatdan ta’minlanadigan muassasalar va tashkilotlarda ishlayotgan ayollarga ish vaqtining haftasiga o‘ttiz besh soatdan oshmaydigan qisqartirilgan muddati belgilanadi.
ikki yoshdan uch yoshgacha bo‘lgan bolani parvarish qilayotgan ayollarga ularning xohishiga ko‘ra, ish haqi saqlanmagan holda muqarrar tartibda ta’til beriladi.
Tadbirkorlik va boshqa sohalarda ayollarga berilgan imtiyozlar
O‘zbekiston Respublikasida ayollarni har taraflama himoya qilish, ularga ijtimoiy hayotda qulayliklar yaratish maqsadida keng imkoniyatlar yaratib berilmoqda. Xususan, ta’lim, ijtimoiy hayot va tadbirkorlik sohalarida ayollarga yanada keng imkoniyatlar yaratib berish yuzasidan keng qamrovli ishlar amalga oshirilmoqda. Buning yorqin misoli sifatida quyidagilarni keltirishimiz mumkin:
- Qonunchilikka ko‘ra, “Mo‘tabar ayol” ko‘krak nishoni ta’sis etilgan bo‘lib, mazkur ko‘krak nishoni bilan:
jamiyat va davlat hayotida faollik va tashabbuskorlik ko‘rsatgan;
o‘zining samarali mehnati bilan oilaning shakllanishiga va farovonligi mustahkamlanishiga, onalik va bolalik muhofazasiga munosib hissa qo‘shgan;
sog‘lom va barkamol avlodni voyaga yetkazish, ularni vatanparvarlik va istiqlol g‘oyalariga sadoqat ruhida tarbiyalash, joylarda ma’naviy-axloqiy muhitni sog‘lomlashtirish va milliy qadriyatlarimizni keng targ‘ib etish borasida ibratli faoliyat olib borayotgan xotin-qizlar taqdirlanadi. Asos: Vazirlar Mahkamasining
2018-yil 2-apreldagi “«Mo‘tabar ayol» ko‘krak nishonini ta’sis etish choratadbirlari to‘g‘risida”gi 257-son qarori.
- Vazirlar Mahkamasining 2021-yil 28-apreldagi “Moddiy yordam va ko‘makka muhtoj oilalarni, xotin-qizlar va yoshlarni ijtimoiy qo‘llab-quvvatlash bo‘yicha qo‘shimcha chora-tadbirlar to‘g‘risida”gi 250-son qaroriga ko‘ra, “Ayollar daftari”ga kiritilgan xotin-qizlarga BHMning 2 baravaridan 4 baravarigacha (540 ming so‘mdan 1 mln 80 ming so‘mgacha) miqdorda bir martalik moddiy yordam ajratilishi belgilangan.
- Uy-joyga muhtoj xotin-qizlarga beriladigan arzon uy-joylar to‘lovining:
10 foizi Xotin-qizlarni qo‘llab-quvvatlash davlat maqsadli jamg‘armasi, talabgor ishlayotgan tashkilot va boshqa manbalar hisobiga (boshlang‘ich badal sifatida);
90 foizi banklarning imtiyozli kreditlari hisobiga qoplanadi.
Arizalar tuman hokimi boshchiligidagi hududiy komissiyaga beriladi. Asos: Vazirlar Mahkamasining 2018-yil 12-apreldagi “Og‘ir ijtimoiy vaziyatga tushib qolgan xotin-qizlarga, nogironligi bo‘lgan, kam ta’minlangan,
farzandlarini to‘liqsiz oilada tarbiyalayotgan va uy-joy sharoitini yaxshilashga muhtoj onalarga arzon uy-joylar berish tartibi to‘g‘risidagi nizomni tasdiqlash haqida”gi 285-son qarori asosida tasdiqlangan “Og‘ir ijtimoiy vaziyatga tushib qolgan xotin-qizlarga, nogironligi bo‘lgan, kam ta’minlangan, farzandlarini to‘liqsiz oilada tarbiyalayotgan va uy-joy sharoitini yaxshilashga muhtoj onalarga arzon uy-joylar berish tartibi to‘g‘risida”gi Nizom.
- Vazirlar Mahkamasining 2021-yil 20-maydagi “Vazirlar Mahkamasining «bolalarni davlat maktabgacha ta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamentini tasdiqlash to‘g‘risida» 2018 yil 28 martdagi 244-son qaroriga o‘zgartirishlar kiritish haqida”gi 319-son qarori asosida tasdiqlangan “Bolalarni davlat maktabgacha ta’lim tashkilotlariga qabul qilish bo‘yicha davlat xizmatlari ko‘rsatishning” ma’muriy reglamentiga ko‘ra, “Ayollar daftari”ga kiritilgan ijtimoiy himoyaga muhtoj yolg‘iz ayollarning bolalari davlat maktabgacha ta’lim tashkilotlariga ustunlik bilan qabul qilinish huquqiga ega.
- O‘zbekiston Respublikasi Prezidentining 2019-yil 7-martdagi “Xotinqizlarning mehnat huquqlari kafolatlarini yanada kuchaytirish va tadbirkorlik faoliyatini qo‘llab-quvvatlashga oid chora-tadbirlar to‘g‘risida”gi PQ-4235-son qaroriga ko‘ra, Gender tengligi buzilishi bilan bog‘liq ishlarning sudlarda ko‘rib chiqilishida ayollarga advokatlar tomonidan ko‘rsatiladigan yuridik xizmat uchun haq davlat hisobidan qoplanadi.
- O‘zbekiston Respublikasi Prezidentining 2020-yil 13-oktyabrdagi “Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir qo‘shimcha chora-tadbirlar to‘g‘risida”gi PQ-4862-son
qaroriga ko‘ra, Tadbirkorlikni rivojlantirish agentligi va Biznes va tadbirkorlik oliy maktabi tomonidan ma’qullangan dasturlar va belgilangan talablar asosida tashkil etilgan o‘quv kurslarini tamomlagan har bir bitiruvchi (yoshlar, xotin-qizlar) uchun kasb-hunar va tadbirkorlikka o‘qitish bo‘yicha nodavlat ta’lim tashkilotlariga sarflangan xarajatlarning 70 foizi, biroq har bir bitiruvchiga 1 million so‘mdan ortiq bo‘lmagan miqdori davlat tomonidan kompensatsiya qilinadi.
- Vazirlar Mahkamasining 2021-yil 28-apreldagi “moddiy yordam va ko‘makka muhtoj oilalarni, xotin-qizlar va yoshlarni ijtimoiy qo‘llabquvvatlash bo‘yicha qo‘shimcha chora-tadbirlar to‘g‘risida”gi 250-son
qaroriga ko‘ra, «Ayollar daftari»ga kiritilgan va tadbirkorlik bilan shug‘ullanish istagida bo‘lgan xotin-qizlarga BHMning 150 baravarigacha miqdorda kredit ajratilishi belgilangan.
- Vazirlar Mahkamasining 2020-yil 23-iyundagi “Oliy ta’lim muassasalariga qo‘shimcha davlat granti asosidagi qabul ko‘rsatkichlari doirasida ehtiyojmand oilalardagi xotin-qizlarga tanlovda ishtirok etish uchun tavsiyanoma berish va ularni o‘qishga qabul qilishni tashkil etish tartibi to‘g‘risidagi nizomni tasdiqlash haqida”gi 402-son qaroriga ko‘ra, Ehtiyojmand oilalardagi xotinqizlarga oliy ta’lim muassasalari kirishda davlat granti asosidagi qabul doirasidagi tanlovda ishtirok etish uchun tavsiyanoma beriladi.
Tavsiyanoma quyidagi mezonlar asosida beriladi:
kam ta’minlangan oilalardagi xotin-qizlar;
to‘liqsiz oilada tarbiyalanayotgan, ya’ni otasi yoki onasi yoxud ularning
ikkalasi ham vafot etgan ijtimoiy himoyaga muhtoj qizlar;
turmush o‘rtog‘i vafot etgan, voyaga yetmagan farzandini yolg‘iz
tarbiyalayotgan ijtimoiy himoyaga muhtoj ayollar;
nogiron farzandi bor ehtiyojmand oilalardagi xotin-qizlar;
2 va undan ortiq farzandini tarbiyalayotgan, qarindoshlaridan alohida
yashayotgan yolg‘iz ayollarning qiz farzandlari;
ota-onalaridan biri yoki har ikkisi ham I yoki II guruh nogironi bo‘lgan
ehtiyojmand oilalardagi xotin-qizlar.
Tavsiyanoma olish uchun tuman (shahar) mahalla va oilani qo‘llabquvvatlash bo‘limlariga elektron shaklda murojaat qilinadi.
- O‘zbekiston Respublikasi Prezidentining 2019-yil 7-martdagi “Xotinqizlarning mehnat huquqlari kafolatlarini yanada kuchaytirish va tadbirkorlik faoliyatini qo‘llab-quvvatlashga oid chora-tadbirlar to‘g‘risida”gi PQ-4235-son qaroriga ko‘ra, Ayollarning pensiya yoshiga to‘lganligi yoki yoshga doir davlat pensiyasini olish huquqi vujudga kelganligi sababli nomuayyan muddatli mehnat shartnomasini 60 yoshga to‘lgunga qadar yoki muddatli mehnat shartnomasini muddati tugagunga qadar ish beruvchining tashabbusiga ko‘ra bekor qilish taqiqlanadi.
- O‘zbekiston Respublikasi Jinoyat kodeksining 136-moddasiga asosan, Ayolni erga tegishga yoki nikohda yashashni davom ettirishga majbur qilish yoxud ayolning erkiga xilof ravishda u bilan nikohda bo‘lish uchun o‘g‘rilash, shuningdek, ayolning erga tegishiga to‘sqinlik qilish 3 yilgacha ozodlikdan mahrum qilish bilan jazolanishi mumkin.
- O‘zbekiston Respublikasi Prezidentining 2021-yil 5-martdagi “Xotinqizlarni qo‘llab-quvvatlash, ularning jamiyat hayotidagi faol ishtirokini
ta’minlash tizimini yanada takomillashtirish chora-tadbirlari to‘g‘risida”gi PQ-5020-son qaroriga ko‘ra, Xotin-qizlarga tadbirkorlikni yo‘lga qo‘yish uchun Xotin-qizlarni qo‘llab-quvvatlash davlat maqsadli jamg‘armasi hisobidan 3 yilgacha va 6 oygacha imtiyozli davr bilan yillik 14 foiz stavkada 33 million so‘mgacha kreditlar ajratiladi. Kreditlar quyidagi dasturlarni muvaffaqiyatli tugatgan xotin-qizlarga beriladi:
Tadbirkorlikni rivojlantirish agentligi va Biznes va tadbirkorlik oliy maktabi ma’qullangan dasturlar asosidagi o‘quv kurslari;
“Ishga marhamat” monomarkazlari, kasb-hunarga o‘qitish markazlari, mahallalardagi kasb-hunarga o‘qitish maskanlari va Xotin-qizlar tadbirkorlik markazlari yoki nodavlat ta’lim muassasalarining kasbga o‘rgatish o‘quv kurslarining maxsus o‘qitish dasturlari.
- Vazirlar Mahkamasining 2021-yil 9-avgustdagi ““AZIZ-AYOL.UZ” yagona interaktiv milliy platformasini joriy etish chora-tadbirlari to‘g‘risida”gi 507-son qaroriga ko‘ra, “Aziz-ayol.uz” yagona interaktiv milliy platformasi doirasida davlat organlari va tashkilotlarining o‘zaro elektron hamkorligi tartibi Asaka tuman yuridik xizmat ko’rsatish markazi bosh yuriskonsulti to‘g‘risidagi nizom tasdiqlandi. Nizom bilan “Aziz-ayol.uz” yagona interaktiv milliy platformasining asosiy vazifalari belgilandi.
Milliy platforma orqali, jumladan:
vazirlik va idoralardan xotin-qizlar bilan bog‘liq ma’lumotlar tezkor yig‘ilishi va real vaqt rejimida tahlil qilinishi ta’minlanadi;
“Ayollar daftari”ga kiritilgan xotin-qizlarni kasb-hunarga o‘rgatish, ularning bandligini ta’minlash, tadbirkorlikka jalb etishga yordam beriladi;
xotin-qizlarning o‘z huquqlari ta’minlanishi bo‘yicha murojaat qilishlari uchun yagona qulayliklar yaratiladi.
Mahalla va oilani qo‘llab-quvvatlash vazirligi Milliy platformaning uzluksiz faoliyat ko‘rsatishini ta’minlaydi.
Davlat organlari va tashkilotlari Milliy platformaga jamlanishi lozim bo‘lgan ma’lumotlarni vazirlik so‘roviga asosan taqdim etadi.
Qarorga ko‘ra shuningdek, 1146 qisqa raqamli “ishonch telefoni”ga tazyiq va zo‘ravonlikdan jabr ko‘rgan xotin-qizlar bilan muloqot qilish va shoshilinch ruhiy, psixoterapevtik, huquqiy yordam ko‘rsatish, maslahat berish va axborot taqdim etish masalalari bo‘yicha kelib tushgan murojaatlarga 24 soat ichida tezkor
munosabat bildirish amaliyoti yo‘lga qo‘yiladi.
O‘zbekiston Respublikasida ayollarni har taraflama himoya qilish, ularga barcha sohalarda keng imkoniyatlar yaratib berish, gender tengligini ta’minlash borasida keng qamrovli islohotlar amalga oshirilayotganini yuqorida keltirilgan ma’lumotlardan ham bilishimiz mumkin.
- Mavlonov,
Izboskan tuman yuridik xizmat ko’rsatish markazi rahbari.