Муддатидан олдин пенсия гашти…!
Ўзбекистон Республикасининг “Фуқароларнинг давлат пенсия таъминоти тўғрисида”ги Қонуннинг 14-моддасига асосан “Технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар: эркаклар — 58 ёшга тўлганда ва иш стажи камида 25 йил бўлган тақдирда, аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўлиши белгиланган.
Кўрсатиб ўтилган имтиёздан фойдаланиш мақсадида Хонобод шаҳар адлия бўлимига фуқаро А.Солиев мурожаат қилиб, ишлаб келган корхонасида ходимларнинг штат бирлиги қисқартирилгани учун ишсиз қолиб, муддатидан олдин 58 ёшида пенсияга чиқишда амалий ёрдам сўраб мурожаат қилди.
Фуқаронинг мурожаати асосида адлия бўлими томонидан қонунда белгилаб ўтилган ҳуқуқлардан фуқаро томонидан фойдаланиши учун Ўзбекистон Республикаси Адлия вазирлиги томонидан 1999 йил 7 январда 588-сон билан давлат рўйхатидан ўтказилган “Алоҳида асосларга кўра меҳнат шартномаси бекор қилинганда ишдан бўшатилган ходимларга муддатидан олдин пенсия тайинлаш тартиби тўғрисида”ги Йўриқнома талабига таянган ҳолда, фуқаро А.Солиевга 58 ёшида пенсига чиқишида амалий ёрдам кўрсатилди.
Адлия бўлимининг мурожаат асосида қилинган ишлари натижасида фуқаро А.Солиев ўз тенгдошлари орасида биринчи бўлиб пенсионерга айланди.
Хонобод шаҳар адлия бўлими бошлиғи
Б.Назиров
Muddatidan oldin pensiya gashti…!
O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonunning 14-moddasiga asosan “Texnologiyadagi, ishlab chiqarish va mehnatni tashkil etishdagi o‘zgarishlar, xodimlar soni (shtati) yoki ish xususiyatining o‘zgarishiga olib kelgan ishlar hajmining qisqarganligi yoxud korxonaning tugatilganligi munosabati bilan ishdan ozod etilgan va ishsiz deb e’tirof etilgan shaxslar: erkaklar — 58 yoshga to‘lganda va ish staji kamida 25 yil bo‘lgan taqdirda, ayollar — 53 yoshga to‘lganda va ish staji kamida 20 yil bo‘lgan taqdirda pensiya olish huquqiga ega bo‘lishi belgilangan.
Ko‘rsatib o‘tilgan imtiyozdan foydalanish maqsadida Xonobod shahar adliya bo‘limiga fuqaro A.Soliyev murojaat qilib, ishlab kelgan korxonasida xodimlarning shtat birligi qisqartirilgani uchun ishsiz qolib, muddatidan oldin 58 yoshida pensiyaga chiqishda amaliy yordam so‘rab murojaat qildi.
Fuqaroning murojaati asosida adliya bo‘limi tomonidan qonunda belgilab o‘tilgan huquqlardan fuqaro tomonidan foydalanishi uchun O‘zbekiston Respublikasi Adliya vazirligi tomonidan 1999 yil 7 yanvarda 588-son bilan davlat ro‘yxatidan o‘tkazilgan “Alohida asoslarga ko‘ra mehnat shartnomasi bekor qilinganda ishdan bo‘shatilgan xodimlarga muddatidan oldin pensiya tayinlash tartibi to‘g‘risida”gi Yo‘riqnoma talabiga tayangan holda, fuqaro A.Soliyevga 58 yoshida pensiga chiqishida amaliy yordam ko‘rsatildi.
Adliya bo‘limining murojaat asosida qilingan ishlari natijasida fuqaro A.Soliyev o‘z tengdoshlari orasida birinchi bo‘lib pensionerga aylandi.
Xonobod shahar adliya bo‘limi boshlig‘i
B.Nazirov