ФУҚАРОЛИК ИШЛАРИ БЎЙИЧА ИЗБОСКАН ТУМАНЛАРАРО СУДИНИНГ 2025 ЙИЛ 9 ОЙЛИК ФАОЛИЯТИДА БАЖАРИЛГАН ИШЛАР
Фуқаролик ишлари бўйича Избоскан туманлараро суди томонидан 2025 йил 9 ой давомида Ўзбекистон Республикасининг “Судлар тўғрисида”ги Қонунида белгиланган вазифалардан келиб чиққан ҳолда, одил судловни амалга ошириш, қонун устуворлиги ва ижтимоий адолатни таъминлаш, фуқароларнинг ҳуқуқлари ҳамда эркинликларини, юридик шахслар ҳуқуқлари ва қонун билан қўриқланадиган манфаатларини ҳимоя қилиш борасида муайян ишлар амалга оширилди.
Шу даврда жами 4383 та фуқаролик иши кўриб тамомланган бўлиб, мазкур ишларнинг 2.544 таси қанотлантирилган, 376 таси рад этилган, 757 таси кўрмасдан қолдирилган, 69 та иш бўйича фуқаролик ишини тугатиш ҳақида ажрим чиқарилган ҳамда 637 та аризалар материал тартибда ҳал этилган.
Туманлараро суди томонидан жорий йилнинг ўтган даври давомида 11706 та суд буйруқлари чиқарилган.
Кўриб тамомланган фуқаролик ишларидан никоҳдан ажратиш ҳақидаги ишлар 901 тани, ишга тиклаш ҳақидаги ишлар 11 тани, иш ҳақи ундириш ҳақидаги ишлар 20 тани, кредит шартномасидан келиб чиқадиган даъволар 723 тани, олди-сотди ва ҳадя шартномасидан келиб чиқадиган даъволар 19 тани, қарз ундириш билан боғлиқ ишлар 349 тани, ўзбошимчалик билан қурилган уй-жой, қурилмани бузиш ҳамда ерларни қайтаришга оид фуқаролик ишлари 415 тани, алохида тартибдаги кўриладиган ишлар 336 тани ташкил этади.
Туманлараро суди томонидан никоҳдан ажратиш ҳақида кўрилган ишлар таҳлили шуни кўрсатадики, жорий йил 9 ой давомида никоҳдан ажратилган ишлар сони 901 тани ташкил қилиб, ўтган йилнинг шу даврига нисбатан 68 тага кўпайган.
Шунингдек, бевосита суд томонидан 18 та оилалар яраштирилган бўлиб, бу ҳолат ҳар бир оилада ўртача 1 нафар фарзанд деб ҳисобланганда, вояга етмаган 18 та фарзанд тўлиқ оила бағрига қайтарилганлигини англатади.
Фуқаролик ишлари бўйича Избоскан туманлараро суди томонидан одил судловни амалга ошириш, судни том маънода “Адолат қўрғони”га айлантириш, халқ билан бевосита юзма-юз очиқ мулоқот шаклларини кенгайтириб, уларнинг муаммоларини ҳал этишда яқиндан ёрдам бериш орқали бузилган ҳуқуқларини тиклаш юзасидан тегишли чора-тадбирлар белгиланиб, унинг ижроси таъминланиб келинмоқда.
Жумладан, туманлараро суди томонидан бир қатор ҳуқуқий тарғибот ишлари амалга оширилиб, жорий йилнинг ўтган даври мобайнида 43 маротаба оммавий ахборот воситалари орқали чиқишлар (телевидения, радио, газета ва веб-сайтлар), 100 маротаба маъруза ва давра суҳбатлари (маҳалла ва бошқа муассасаларда) амалга оширилди.
Шунингдек, судьялар томонидан 496 та ёки жами кўрилган ишларнинг 11.3 фоизи сайёр суд мажлисларида кўриб ҳал этилди. Сайёр суд мажлисларидан сўнг суд томонидан қабул қилинган суд ҳужжатларининг ва қонунчилигимиздаги янгиликларнинг мазмун-моҳияти тушунтириб борилмоқда.
Судларимиз ва ўз номимдан – одил судловни фақат қонунга, адолат тамойилларига таянган ҳолда, ҳалол, шаффоф ўтказиш, қонун устуворлигини таъминлаш учун бутун куч-ғайратимизни сафарбар қиламиз.
Ахроридин Баходирович Масардинов,
Фуқаролик ишлари бўйича Избоскан туманлараро судининг раиси
FUQAROLIK ISHLARI BOʻYICHA IZBOSKAN TUMANLARARO SUDINING 2025 YIL 9 OYLIK FAOLIYATI BOʻYICHA
M A ‘ L U M O T
Fuqarolik ishlari boʻyicha Izboskan tumanlararo sudi tomonidan 2025 yil 9 oy davomida Oʻzbekiston Respublikasining “Sudlar toʻgʻrisida”gi Qonunida belgilangan vazifalardan kelib chiqqan holda, odil sudlovni amalga oshirish, qonun ustuvorligi va ijtimoiy adolatni ta’minlash, fuqarolarning huquqlari hamda erkinliklarini, yuridik shaxslar huquqlari va qonun bilan qoʻriqlanadigan manfaatlarini himoya qilish borasida muayyan ishlar amalga oshirildi.
Shu davrda jami 4383 ta fuqarolik ishi koʻrib tamomlangan boʻlib, mazkur ishlarning 2.544 tasi qanotlantirilgan, 376 tasi rad etilgan, 757 tasi koʻrmasdan qoldirilgan, 69 ta ish boʻyicha fuqarolik ishini tugatish haqida ajrim chiqarilgan hamda 637 ta arizalar material tartibda hal etilgan.
Tumanlararo sudi tomonidan joriy yilning oʻtgan davri davomida 11706 ta sud buyruqlari chiqarilgan.
Koʻrib tamomlangan fuqarolik ishlaridan nikohdan ajratish haqidagi ishlar 901 tani, ishga tiklash haqidagi ishlar 11 tani, ish haqi undirish haqidagi ishlar 20 tani, kredit shartnomasidan kelib chiqadigan da’volar 723 tani, oldi-sotdi va hadya shartnomasidan kelib chiqadigan da’volar 19 tani, qarz undirish bilan bogʻliq ishlar 349 tani, oʻzboshimchalik bilan qurilgan uy-joy, qurilmani buzish hamda erlarni qaytarishga oid fuqarolik ishlari 415 tani, aloxida tartibdagi koʻriladigan ishlar 336 tani tashkil etadi.
Tumanlararo sudi tomonidan nikohdan ajratish haqida koʻrilgan ishlar tahlili shuni koʻrsatadiki, joriy yil 9 oy davomida nikohdan ajratilgan ishlar soni 901 tani tashkil qilib, oʻtgan yilning shu davriga nisbatan 68 taga koʻpaygan.
Shuningdek, bevosita sud tomonidan 18 ta oilalar yarashtirilgan boʻlib, bu holat har bir oilada oʻrtacha 1 nafar farzand deb hisoblanganda, voyaga etmagan 18 ta farzand toʻliq oila bagʻriga qaytarilganligini anglatadi.
Fuqarolik ishlari boʻyicha Izboskan tumanlararo sudi tomonidan odil sudlovni amalga oshirish, sudni tom ma’noda “Adolat qoʻrgʻoni”ga aylantirish, xalq bilan bevosita yuzma-yuz ochiq muloqot shakllarini kengaytirib, ularning muammolarini hal etishda yaqindan yordam berish orqali buzilgan huquqlarini tiklash yuzasidan tegishli chora-tadbirlar belgilanib, uning ijrosi ta’minlanib kelinmoqda.
Jumladan, tumanlararo sudi tomonidan bir qator huquqiy targʻibot ishlari amalga oshirilib, joriy yilning oʻtgan davri mobaynida 43 marotaba ommaviy axborot vositalari orqali chiqishlar (televideniya, radio, gazeta va veb-saytlar), 100 marotaba ma’ruza va davra suhbatlari (mahalla va boshqa muassasalarda) amalga oshirildi.
Shuningdek, sudyalar tomonidan 496 ta yoki jami koʻrilgan ishlarning 11.3 foizi sayyor sud majlislarida koʻrib hal etildi. Sayyor sud majlislaridan soʻng sud tomonidan qabul qilingan sud hujjatlarining va qonunchiligimizdagi yangiliklarning mazmun-mohiyati tushuntirib borilmoqda.
Sudlarimiz va oʻz nomimdan – odil sudlovni faqat qonunga, adolat tamoyillariga tayangan holda, halol, shaffof oʻtkazish, qonun ustuvorligini ta’minlash uchun butun kuch-gʻayratimizni safarbar qilamiz.
Masardinov Axroridin Baxodirovich
fuqarolik ishlari boʻyicha Izboskan tumanlararo sudining raisi
